Kedar Bhope

अनुकंपा भरतीची चौकशी रखडली
2015-16 साली जिल्हा परिषदेत झालेल्या अनुकंपा भरतीच्या संदर्भात तत्कालीन अतिरिक्त मुख्य कार्यकारी अधिकारी डॉ. अशोक कोल्हे यांनी अध्यक्षा शालिनी विखे व मुख्य कार्यकारी अधिकारी विश्वजित माने यांच्याकडे दिला होता. अहवालातील त्रुटी पाहिल्यानंतर हा अहवाल पुढील कारवाईसाठी विभागीय आयुक्तांकडे पाठविण्यात आला. अहवाल पाठविल्यानंतर या प्रकरणाची चौकशी सुरु झाली. मात्र तीन महिने उलटूनही चौकशीत प्रगती न झाल्याने चौकशी रखडली आहे.
My news Daily Pudhari...22-07-2018
#Ahmednagar #nagarzp

‘हायमास्ट’ घोटाळ्याची होणार चौकशी!
जिल्हा परिषदेमार्फत ग्रामीण भागात लावण्यासाठी देण्यात येणार्‍या हायमास्ट दिव्यांच्या प्रक्रियेला घोटाळ्याचा ‘वास’ येऊ लागल्यानंतर जिल्हा परिषद प्रशासनाने या प्रकरणाची चौकशी करण्याची तयारी सुरु केली आहे. त्यासाठी हायमास्ट दिव्यांची खरेदी प्रक्रिया, निविदा प्रक्रियेची सविस्तर चौकशी करण्यात येणार असून, त्यानुसार दोषी आढळणार्‍यांवर कारवाई करण्यात येणार आहे.
My news Daily Pudhari...21-07-2018
#Ahmednagar #nagarzp

झेडपीच्या 'हायमास्ट'ला 'घोटाळ्याचा वास'!
जिल्हा परिषदेमार्फत ग्रामीण भागात लावण्यासाठी देण्यात येणार्‍या हायमास्ट दिव्यांच्या प्रक्रियेला घोटाळ्याचा वास येऊ लागला आहे. जवळपास 430 हायमास्टच्या खरेदीसाठी एकत्रित ई-निविदा काढण्याची गरज असतांना 16 पेक्षा जास्त दुकानदारांच्या नावाने स्वतंत्र निविदा काढून दिव्यांची खरेदी करण्यात आली आहे. जास्त खरेदी केल्यास बाजारभावापेक्षा 15 ते 20 हजार रुपयांनी कमी दरात दिवे मिळाले असते. मात्र स्वतंत्र निविदा काढत दिव्यांच्या किमती वाढविल्याचा आरोप होऊ लागला आहे.
My news Daily Pudhari... 20-07-2018
#Ahmednagar #nagarzp

29 गुरुजींची तब्येत एकदम 'ठणठणीत'!
बदल्यांच्या वेळेस अपंग प्रमाणपत्र जोडलेल्या 134 पैकी 29 गुरुजींची तब्येत एकदम ‘ठणठणीत’ असल्याचे जिल्हा रुग्णालयाने केलेल्या तपासणीत उघड झाले आहे. या 29 गुरुजींना कारवाईची अंतिम नोटीस पाठवून कारवाई करण्यात येणार आहे.
My news Daily Pudhari... 17-07-2018
#Ahmednagar #nagarzp

आ. अरुण जगताप पोलिसांना शरण...
पोलिस अधीक्षक कार्यालयावरील हल्ला प्रकरणातील आरोपी आ. अरूण जगताप व ओंकार गिरवले हे दोघे तब्बल तीन महिन्यांनंतर भिंगार कॅम्प पोलिस ठाण्यात शरण आले. त्यांच्यावर अटकेची कारवाई करून न्यायालयात हजर केले असता, त्यांना न्यायालयीन कोठडी सुनावण्यात आली. त्यानंतर लगेचच वकिलांनी अर्ज केल्यानंतर न्या.एस.डी.पाटील यांनी त्यांना प्रत्येकी 25 हजारांच्या वैयक्तिक जातमुचलक्यावर जामीन मंजूर केला.
My news Daily Pudhari...14-07-2018
#Ahmednagar #Crime

555 शेतकर्‍यांना मिळणार कडबाकुट्टी यंत्र
जिल्हा परिषदेच्या सेस फंडातून शेतकर्‍यांना 50 टक्के अनुदानावर 555 शेतकर्‍यांना कडबाकुट्टी यंत्र मिळणार आहे. त्यासाठी 50 लाखांच्या योजनेस प्रशासकीय मान्यता देण्यात आली. या योजनेसाठी 30 लाखांचा निधी पुनर्विनियोजनाद्वारे उपलब्ध करून देण्यास स्थायी समितीच्या सभेत मान्यता देण्यात आली.
My news Daily Pudhari 10-07-2018
#Ahmednagar #nagarzp

आठ आरोपींविरोधात दोषारोपपत्र दाखल...
केडगाव येथील शिवसैनिकांच्या दुहेरी हत्याकांड प्रकरणात राज्य गुन्हे अन्वेषण विभागाच्या (सीआयडी) अधिकार्‍यांनी शुक्रवारी न्यायालयात आठ आरोपींच्या विरोधात 1366 पानी दोषारोपपत्र दाखल केले. दोषारोपपत्र दाखल केलेल्या आरोपींमध्ये आ. संग्राम जगताप व बाळासाहेब एकनाथ कोतकर यांचा समावेश नसला तरी, सीआरपीसी 173 (8) नुसार कारवाईची तजवीज ठेवण्यात आल्याने या दोघांविरोधात नंतर पुरवणी दोषारोपपत्र दाखल होऊ शकते. याप्रकरणी आज सुनावणी होईल.
My news Daily Pudhari...07-07-2018
#Ahmednagar #Kedgaon #Murder #Crime

234 शिक्षकांवर होणार कारवाई...
ऑनलाईन पद्धतीने राज्य पातळीवर झालेल्या बदल्यांमध्ये चुकीची माहिती देणार्‍या 234 शिक्षकांवर कारवाई करण्यात येणार आहे. याबाबत शिक्षण विभागात सुरु असलेली फेरतपासणी पूर्ण झाली असून, 6 व 7 जुलै रोजी मुख्य कार्यकारी अधिकारी विश्वजित माने शिक्षकांची सुनावणी घेणार आहेत. सुनावणीनंतर शिक्षकांवर कारवाईचा आदेश होईल.
My news Daily Pudhari... 05-07-2018
#Ahmednagar #nagarzp

एसपी ऑफिस तोडफोड; चार्जशीटबाबत संभ्रम...
पोलिस अधीक्षक कार्यालयावरील हल्ला व तोडफोड प्रकरणाला शुक्रवारी (दि. 6) 90 दिवस पूर्ण होत आहेत. गुन्हा दाखल झाल्यानंतर 90 दिवसांच्या आत न्यायालयात दोषारोपपत्र दाखल होणे आवश्यक असते. मात्र, या प्रकरणातील दोषारोपपत्र कधी दाखल होणार याबाबत संभ्रम आहे. या गुन्ह्यातील बहुतांश आरोपी जामिनावर असल्याने चार्जशीट दाखल होण्यास उशीर होणार असल्याचे पोलिसांचे म्हणणे आहे.
My news Daily Pudhari... 05-07-2018
#Ahmednagar #Crime

बदली होऊनही सुटेना जिल्हा परिषद
जिल्हा परिषद मुख्यालयातील अनेक कर्मचाऱ्यांच्या बदल्या होऊन दीड महिना झाला तरीही अशा कर्मचाऱ्यांना त्यांच्या बदली झालेल्या पदावर न सोडल्याने संशय वाढत आहे.
My news Daily Pudhari...03-07-2018
#Ahmednagar #nagarzp