अर्थसंकल्पात विद्यार्थ्यांना "बाबाजी का ठुल्लू" …
नुकताच निवडणुकीच्या पार्श्वभूमीवर आपल्या राज्याचा अतिरिक्त अर्थसंकल्प राज्याचे उपमुख्यमंत्री आणि अर्थमंत्री अजित पवार यांनी जाहीर केला आहे.
लवकरच विधानसभेची निवडणूक होणार असल्याने सर्वांना खुश करणारा अर्थसंकल्प मांडण्याचा प्रयत्न त्यांनी केला. परंतु आपण जर हा अर्थसंकल्प वाचला तर यामध्ये संपूर्ण अर्थसंकल्पात कुठेही विद्यार्थी हा शब्द चा उल्लेख पण केलेला नाही. यावरून राज्य सरकार हे विद्यार्थ्यांच्या बाबतीत किती गंभीर आहे हे लक्षात येते. विद्यार्थ्यांच्या बाबतीत कुठलीही तरतूद नसलेला हा अर्थसंकल्प म्हणजे फक्त मतदारांना खुश करण्याचा एक प्रयत्न आहे. गेल्या तीन वर्षांपासून ओ बी सी विद्यार्थ्यांची जवळपास ८ हजार कोटींची शिष्यवृत्ती बाकी आहे. गेली ४ वर्ष सरकार फक्त विद्यार्थ्यांना लवकरच शिष्यवृत्तीची थकबाकी देऊ अशी पोकळ आश्वासने देत आहे. परंतु कारवाई च्या नावाने शून्य !!

राज्यातील अनेक सरकारी शाळांची दुरवस्था झाली आहे. सरकारी शाळा खासजी शाळांच्या तुलनेत कमी पडत आहेत. त्यांना अनुदान देणे गरजेचे आहे. शालेय पोषण आहार योजने मध्ये पैशाच्या अभावामुळे निकृष्ट दर्जाचा पोषण आहार विद्यार्थ्यांना मिळत आहे. अनेक सरकारी शाळांच्या इमारती या सरकारनेच धोकादायक म्हणून घोषित केल्या आहेत त्या ठिकाणी नवीन इमारती उभ्या करणे गरजेचे आहे. त्यासाठी निधीची तरतूद करणे आवश्यक आहे. तसेच व्यावसायिक अभ्यासक्रमांसाठी शिष्यवृत्ती सुरु करणे गरजेचे आहे. सरकारी शाळांमध्ये ई लर्निंग उपक्रम सुरु करण्यासाठी स्वतंत्र निधीची तरतूद करणे आवश्यक आहे. वरील सर्व प्रश्न सोडविण्यासाठी अर्थसंकल्पात आपल्या अर्थमंत्र्यांनी कुठलीही तरतूद केली नाही. यावरून त्यांची मानसिकता लक्षात येते.
यावेळेस राज्य सरकारने अर्थसंकल्पात विद्यार्थ्यांसाठी कुठलीही तरतूद न करून एक प्रकारे विद्यार्थ्यांना "बाबाजी का ठुल्लू" च दिला आहे. पण याच विद्यार्थ्यांनी ठरवले तर ते येत्या निवडणुकीत राज्य सरकारला सुद्धा मत न देता "बाबाजी का ठुल्लू" च देऊन घरी पाठवायला कमी करणार नाहीत हे मात्र नक्की !!
बाकी सर्व सरकारच्याच हातात …
#BabajiKaThullu #maharashtra #Student #Scholarship #AjitPawar #बाबाजी_का_ठुल्लू #Maharashtra_Budget

विद्यार्थ्यांसाठी अच्छे दिन … ?
भारताच्या नवीन मानव संसाधन मंत्री स्मृती इराणी यांनी पदभार हाती घेतल्या घेतल्या भारतातील शैक्षणिक सुधारणा करण्यासंदर्भात नवीन घोषणा केली आहे. देशाच्या एकूण राष्ट्रीय उत्पन्नाच्या फक्त २ % खर्च हा देशातील शिक्षण क्षेत्रावर खर्च होतो जगातील  इतर देशांच्या तुलनेत हा खर्च खूपच कमी आहे. स्थूल उत्पन्नाच्या ७ टक्के रक्कम शिक्षणासाठी राखून ठेवण्याची घोषणा माजी पंतप्रधान अटलबिहारी वाजपेयी यांच्या कार्यकाळात करण्यात आली होती. ती योजना मनमोहन सिंहांच्या काळात मागे पडली आहे.आता पुन्हा भाजप चे सरकार आल्याने हा खर्च वाढण्याची आशा निर्माण झाली आहे. पदभार हाती घेतल्यानंतर पहिली प्रतिक्रिया देताना स्मृती इराणी यांनी शैक्षणिक खर्च वाढवणार असल्याची प्रतिक्रिया देऊन एकप्रकारे विद्यार्थ्यांसाठीही अच्छे दिन येणार असल्याचे संकेत दिले आहेत.

भारतात उच्च शिक्षणावर केला जाणारा खर्च युरोपच्‍या तुलनेत 1/10 इतका आहे.विकसनशील देश असूनही भारतात शैक्षणिक गुणवत्ता वाढीच्‍या पूर्ण शक्यता आहे. तर उच्च शिक्षण क्षेत्रातही अनेक संधी आहेत. मात्र येथे उच्च शिक्षणावरील खर्च युरोपीयन देशांच्‍या तुलनेत अतिशय नगण्‍य आहे. युरोपमध्‍ये ज्यावेळी उच्‍च शिक्षणावर 10 रुपये खर्च केले जातात त्‍यावेळी भारतात केवळ त्‍यासाठी एक रुपया खर्च होत असतो. हे चित्र बदलण्‍याची आवश्‍यकता आहे. दहा वर्षापूर्वी राज्य योजनेतील १०० रुपयांपैकी ५ रुपये सर्वसाधारण शिक्षणावर खर्च होत होते. दहा वर्षामध्ये या प्रमाणात घट होत गेली आणि हे प्रमाण अनुक्रमे ५.०३, ३.२१, ३.२२, २.२२, ३.२१, २.५३, २.९८, २.३८ व २.४६ टक्के होते. आज स्थिती अशी आहे की १०० रुपयांपैकी एक रुपयाही शिक्षणासाठी राखून ठेवलेला नाही.शाहू महाराजांच्या काळात शिक्षणावर २७ % खर्च केला जात होता; परंतु सध्या फक्त २ % खर्च केला जात आहे. या खर्चाकडे शासनाने गुंतवणूक म्हणून पाहण्याची गरज आहे. जेणेकरून विद्यार्थ्यांना अधिक दर्जेदार शिक्षण मिळेल आणि देशाच्या प्रगतीत हातभार लागेल. आता लक्ष प्रत्यक्ष कारवाई केव्हा होते याकडे लागले आहे.

इतके दिवस फक्त विद्यार्थीच म्हणत होते. आता संपूर्ण जगच म्हणणार ….
सत्य कधी लपून राहत नाही …

पुणे विद्यापीठाच्या विरोधात निषेध सभा
पुणे विद्यापीठाच्या फोटोकॉपी च्या निर्णयाच्या विरोधात आज छात्रभारती विद्यार्थी संघटना आणि युगंधर युवा प्रतिष्ठान तर्फे आंदोलन अधिक तीव्र करण्यात आले. या निर्णयाच्या विरोधात आज दोन्ही संघटनांतर्फे नगर शहरातील सर्व महाविद्यालयांमध्ये पुणे विद्यापीठाच्या विरोधात निषेध सभा घेण्यात आल्या. यावेळी विद्यार्थ्यांनी मोठ्या प्रमाणावर पाठींबा दर्शविला. सोमवारी होणार्या ठिय्या आंदोलनास मोठ्या संखेने विद्यार्थी उपस्थित राहणार आहेत. सोमवार पासून आंदोलन अधिक तीव्र करण्यात येणार आहे 

छात्रभारती विद्यार्थी संघटना आणि युगंधर प्रतिष्टान तर्फे विद्यापीठाच्या निर्णयाची होळी
उद्यापासून प्रत्येक कॉलेज वर पुणे विद्यापीठाच्या विरोधात निषेध सभा —

छात्रभारती चे राज्य पालांना पत्र; विद्यार्थी विमा सुरक्षा शुल्कात वाढ करण्याची मागणी

शिष्यवृत्ती संदर्भात विरोधी नेते विनोद तावडे यांना निवेदन देण्यात आले

शिष्यवृत्ती संदर्भात विरोधी नेते विनोद तावडे यांना निवेदन देण्यात आले

शिष्यवृत्ती संदर्भात विरोधी नेते विनोद तावडे यांना निवेदन देण्यात आले

विद्यार्थ्यांच्या परीक्षा शुल्क माफीच्या निर्णयाची अंमलबजावणी कधी होणार ..... 
आमदार, खासदार , मंत्र्यांचे या कडे लक्ष जाणार कि नाही ?
परीक्षा शुल्क माफीचा निर्णय घेतेवेळी पुढाकार घेणारे "बोलबच्चन" मंत्री या प्रश्नावर बोलणार का ?

अहमदनगर जिल्हा मराठा विद्या प्रसारक समाज आणि श्री शिवाजी मध्यवर्ती सहकारी ग्राहक भांडार यांच्यावर योग्य ती कारवाई झालीच पाहिजे 

सरकार तुपाशी विद्यार्थी मात्र उपाशी ते उपाशीच !!